يحكى ياساده ياكرام ان عراقيا جاء عند سفح الاهرام قرر ان ياخذ تمتوعتا بلكي شويه ينام وبعد هنيهه ضهر له سيد الجان  /شبيك لبيك عبدك بين ايديك ففرك العراقي عينيه حيل حيل وقال له بويه منهو انته فاجابه المارد انا ملك الجان ابو حزام سأله العراقي حزام  جلد اصلي لو جلد تقليد نهره المارد هل تريد ان اخدمك ام حضرتك تصنف عليه فصفن العراقي وفرك لحيته /علما انه من دون لحية /عمي لا اريد منك شي ولا شغلة. بلاكت اريد منك شيئ حيل زغيروني اجابه ابو حزام ابشر ابو جاسم الورد بيك خير وتتدلل اجابه العراقي كشي مااريد بس اريد اقامة لانو انلعب بيه طوبه ويا المحامين النصابين واريد شغلت اللخ اجابه المارد فضني يمعود كله ام الجهال والجهال اريدلهم فيزا وبقت شغله زيغرونه اجابه المارد ترا انطيتك عين احجي. كله ولد الحلال نصبو عليه بدفترين وتاليتهه هالتشوفني مهجول بصف عمك ابو الهول نايم فقال له المارد هل تضنني شرطة سياحه لو مباحث لك اني لو عدي اقامه بمصر جان لكيتني نايم بصف كوم حجار وصرخ من الغضب يمعود من يوم الهجولوني من فلان مكان وانا دائح كما ترى وهنا فز العراقي من حلمه الوردي وضرب كف بجف وقال ايباه هيجي صار بحالنه حته جنونه جننوهه.والسلام ختام